CI2D3 2018-01-10T07:08:42+00:00

ᑲᓇᑕᒥ ᓯᑯ ᕿᑭᖅᑕᖅ ᐃᖏᕋᓂᖓ, ᓄᖑᑉᐸᓪᓕᐊᓂᖓ ᐊᒻᒪ ᖃᐅᔨᔭᐅᓂᖓ (CI2D3) ᑐᑭᓯᒋᐊᕈᑏᑦ

CI2D3 ᒥᔅᓵᓄᑦ

ᐊᐅᓚᔾᔭᓐᓂᖏᑦ ᓄᖑᑉᐸᓪᓕᐊᒪᓂᖏᓪᓗ ᑖᒃᑯᐊ ᐱᖃᓗᔭᔾᔪᐊᒻᒪᕇᑦ ᕿᑭᖅᑕᐅᔮᖅᑐᑦ ᑕᑯᔅᓴᐅᑎᑕᐅᓪᓗᑎᒃ ᑕᕝᕙᓂ ᐊᒻᒨᖓᔪᓂᒃ ᑕᐃᒍᖅᑕᖅ ᑲᓇᑕᐅᑉ ᐱᖃᓗᔭᔾᔪᐊᑦ ᕿᑭᖅᑕᐅᔮᖅᑐᑦ ᓇᕈᓂᖏᑦ, ᓄᖑᑉᐸᓪᓕᐊᓂᖏᑦ ᐊᒻᒪᑦᑕᐅᖅ ᖃᐅᔨᔭᐅᑦᑕᓐᓂᖏᓄᑦ (CI2D3) ᑐᖅᑯᐃᕕᐊᓄᑦ ᖃᕆᓴᐅᔭᓕᕆᔾᔪᑎᓄᑦ. ᑖᒃᑯᐊ ᐅᓪᓗᒥ ᐱᖃᓗᔭᔾᔪᐊᑦ ᐊᒥᐊᒃᑰᕗᑦ ᐃᓗᐃᑦᑑᔪᕕᓂᓐᓂᒃ ᐊᖏᓂᖅᓴᔾᔪᐊᓂᒃ ᐊᓂᓪᓚᓐᓂᑯᑦ ᐊᕐᕌᒍᖏᒍᑦ 2008, 2010, 2011 ᐊᒻᒪᓗ 2012, ᑕᕝᕙᓐᖓᑦ ᐲᑐᒪᓐ ᓯᒻᒥᔾᔪᐊᖓᓂᒃ ᐃᓚᒋᓪᓗᒋᑦ ᒥᑭᓐᓂᖅᓴᑦ ᑲᑕᒐᖅᑐᑦ ᐅᐊᓐᓇᖅᐸᓯᐊᑕ ᑲᓛᖠᑦ ᕿᑭᖅᑖᑕ ᓯᒻᒥᐊᓗᐊᑕ ᐊᓂᓪᓚᖓᕝᕕᖏᓐᓂᒃ. ᐊᑦᑎᒋᓂᖓ ᓇᓗᓇᐃᖅᓯᕗᖅ ᑕᐃᑲᓐᖓᑦ ᖃᐅᔨᔭᐅᓵᓐᓂᐊᓂᒃ ᓇᓗᓇᐃᕈᑎᕕᓈᓂᒃ ᒥᑭᓕᕇᖓᓪᓗᑎᒃ ᑕᖅᓴᖏᑦ. ᐊᐅᓚᓂᖓ ᓴᓇᔭᐅᓂᑯ ᒎᕋᒡ ᑯᕌᑯᒧᑦ.

ᑲᓇᑕᒥ ᓯᑯ ᕿᑭᖅᑕᖅ ᐃᖏᕋᓂᖓ, ᓄᖑᑉᐸᓪᓕᐊᓂᖓ ᐊᒻᒪ ᖃᐅᔨᔭᐅᓂᖓ (CI2D3) ᑐᑭᓯᒋᐊᕈᑏᑦ ᑲᑐᑎᔭᐅᓪᓗᓂ ᐱᓕᕆᐊᖑᔪᖅ ᐅᑯᓂᖓ ᐃᒪᕐᒥ ᓯᑯᓂᓪᓗ ᖃᐅᔨᓴᕐᕕᒃ (ᑲᐅᕈᑎᓐ ᓯᓚᑦᑐᓴᕐᕕᒃᔪᐊᖅ ᐋᑐᕚ, ᑲᓇᑕ) ᐊᒻᒪ ᑲᓇᑕᒥ ᓯᑯᓕᕆᔨᒃᑯᑦT (ᑲᓇᑕᒥ ᐊᕙᑎᓕᕆᔨᒃᑯᑦ) ᖃᕋᓴᐅᔭᒃᑰᕈᓐᓇᖅᓯᑎᓪᓗᒋᑦ ᐊᒻᒪ ᑎᑎᕋᖅᑕᐅᓗᑎᑦ ᐊᖏᔪᓂᑦ ᓯᑯᐃᖃᑦᑕᖅᑐᑦ ᕿᑭᖅᑕᒥ ᓯᑯᒥᑦ ᑲᓇᑕᒥ ᐃᒪᖏᓐᓂ ᖃᐅᔨᓴᓂᕐᒧᑦ ᐱᔾᔪᑕᐅᓗᓂ.

ᓯᑯᐃᑦ ᕿᑭᖅᑕᐃᑦ ᐊᖏᔪᒻᒪᕆᐅᔪᑦ, ᐊᒻᒪᓗᑭᑕᐅᖓᔪᑦ ᐱᖃᓗᔭᐃᑦ ᐲᖃᑦᑕᖅᑐᑦ ᓯᑯᕐᔪᐊᓂᑦ ᐊᒻᒪ ᐳᑦᑕᔪᑦ ᐱᖃᓗᔭᐃᑦ. ᓇᓗᓇᐃᖅᑕᐅᔪᓐᓇᕐᓂᖏᑦ, ᖃᐅᔨᓴᖅᑕᐅᓂᖏᑦ ᐊᒻᒪ ᒥᔅᓴᐅᓴᒍᓐᓇᕐᓂᖅ ᐃᖏᕋᓂᖏᓐᓄᑦ ᐊᒻᒪ ᓄᖑᑉᐸᓪᓕᖓᓂᖓᓄᑦ ᑖᒃᑯᓄᖓ ᐊᖏᔫᔪᓄᑦ ᐊᑦᑕᓇᕈᑎᐅᔪᓐᓇᖅᑐᑦ ᐱᒻᒪᕆᐅᔪᖅ ᐊᑦᑐᖅᑕᐅᑎᓗᐊᖅᑕᐃᓕᒪᓗᒍ ᐊᑦᑐᐊᓂᓕᓐᓄᑦ ᐊᑦᑕᓇᕈᑎᐅᔪᓐᓇᖅᑐᓄᑦ ᐃᒪᒃᑯᑦ ᐃᖏᕋᕕᖏᓐᓄᑦ ᐊᒻᒪ ᐃᒪᐃᓐᓇᕐᒥ ᐱᖁᑎᕐᔪᐊᑦ ᖃᓂᒋᔭᖏᓐᓂᑦ.

ᑲᓇᑕᒥ ᓂᓚ ᕿᑭᖅᑕᖅ ᐃᖏᕋᓂᖓ,ᓄᑦ, ᓄᖑᑉᐸᓪᓕᐊᓂᖓᓄᑦ ᐊᒻᒪ ᖃᐅᔨᔭᐅᓂᖓᓄᑦ ᐱᓕᕆᐊᖅ ᕿᓂᖅᑐᖅ ᐲᖅᓯᓗᑎᑦ ᐊᑦᑐᐊᓂᓕᓐᓂᑦ ᑐᑭᓯᒋᐊᕈᑎᓂᑦ ᐊᑐᐃᓐᓇᐅᔪᓂᑦ ᖁᒻᒧᐊᑦᑎᑕᐅᓯᒪᔪᒃᑯᑦ ᐊᔾᔨᓐᖑᐊᓂᑦ ᐊᒻᒪ ᓴᓇᓗᑎᑦ ᓄᓇᖓᓄ ᓯᐊᒻᒪᖅᓯᒪᔪᒧᑦ ᑐᑭᓯᒋᐊᕈᑎᖏᑦ ᕿᑭᖅᑕᒧᑦ ᓂᓚᒧᑦ ᐃᖏᕋᓂᖓ ᐊᒻᒪ ᓄᖑᑉᐸᓪᓕᐊᓂᖓᓄᑦ ᖃᐅᔨᓴᖅᑕᐅᓂᖓ, ᐅᖓᓯᒥᑦᑐᒦᑦᑐᓂ−ᖃᐅᔨᓴᐅᑦ ᐊᒻᒪ ᐊᑐᖅᑕᐅᓂᖓ ᐊᒻᒪ ᓇᓗᓇᐃᖅᑕᐅᓂᖓ.

ᐊᑐᓕᖅᐸᓪᓕᐊᓂᖓ ᑖᔅᓱᒪᐅᑉ CI2D3 ᑐᖅᑯᐃᓯᖃᕝᕕᐊᓄᑦ ᖃᕆᓴᐅᔭᒃᑯᑦ ᑲᔪᓯᓕᖅᐳᖅ, ᐱᒋᐊᕈᑎᖃᖅᖢᓂ ᐱᖃᓗᔭᔾᔪᐊᑦ ᕿᑭᖅᑕᐅᔮᖅᑐᑦ ᐃᓯᖅᐸᓪᓕᐊᔪᑦ ᑲᓇᓐᓇᖓᓄᑦ ᑲᓇᑕᐅᑉ ᐃᒪᖁᑎᖏᓄᑦ ᑭᖑᓂᐊᑕ ᐲᑐᒪᓐ ᓯᒻᒥᔾᔪᐊᖓᑦ ᐱᖃᓗᔭᔅᓴᓂᒃ ᑲᑕᒐᐃᓚᐅᖅᑎᓪᓗᒍ ᐊᕐᕌᒍᖏᒍᑦ 2008, 2010 ᐊᒻᒪᓗ 2012−ᒥ.ᑕᐅᓴᖏᓐᓃᑦᑐᑦ ᑐᖅᑯᖅᑕᐅᓯᒪᔪᑦ RADARSAT-1 ᐊᒻᒪ -2 (ᑲᓇᑕᒥ ᓯᓚᐃᓐᓇᒦᑦᑐᓕᕆᔨᒃᑯᑦ/ᒪᒃᑖᓄᑦ, ᑎᐊᑦᕗᐃᓗ ᐊᒻᒪ ᐱᓕᕆᖃᑎᖏᑦ) ᐊᒻᒪ Envisat (ᑕᕆᐅᑉ ᐊᑭᐊᓂ ᓯᓚᐃᓐᓇᒦᑦᑐᓕᕆᔩᑦ) ᐊᒻᒪᔪᖅ ᖃᐅᒪᓂᕐᒧᑦ ᐊᔾᔨᓐᖑᐊᑦ ᕿᒥᕐᕈᔭᐅᔪᑦ ᓂᓚᐃᑦ ᕿᑭᖅᑕᐃᑦ ᓇᒧᖓᐸᓪᓕᐊᓂᖏᓐᓄᑦ ᑭᓯᐊᓂ ᒥᑭᓗᐊᓕᕋᐃᒻᒪᑕ ᖃᐅᔨᔭᔅᓴᐅᓂᖏᑦ (~2).

Petermann ᓂᓚ ᕿᑭᖅᑕᖅ (2010) PII-B-a ᑕᓪᓗᕈᑎᐅᑉ ᐃᒪᖓᓂᑦ, ᐅᑦᑑᐱᕆ, 2011. 1ᑕᐃᔅᓱᒪᓂᐅᑎᓪᓗᒍ ᑖᓐᓇ ᓂᓚ ᕿᑭᖅᑕᖅ 3 x 6 km,−ᖑᓚᐅᖅᑐᖅ ᖃᖓ ᐊᖏᓂᖓᖅᑐᓂ 12 km2 ᐊᒻᒪ ᖁᒫᓃᑦᑐᖅ (ᐃᒪᐅᑉ ᖁᓛᓃᑦᑐᖅ) ᖃᓂᒋᔭᐸᓗᐊᓂᑦ 15 m. ᐊᔾᔨᓐᖑᐊᒥᑦ ᑐᓂᓯᔪᖅ ᔨᐊᓯ ᐱᐅᕆᐊᑦ.

ᐊᕐᕌᒍᖏᒍᑦ ᐃᒻᒪᖄ 15,000−ᒧᑦ ᑎᑭᐅᒪᑲᓴᑦᑐᓂᒃ ᑲᑕᒐᐃᓂᑯᑦ ᐃᓗᐊᒍᑦ 2008, 2010 ᐊᒻᒪ 2012 ᐊᑐᓚᐅᖅᑐᓂᒃ, ᐃᓚᖓᓗ ᒥᑭᓐᓂᖅᓴᐅᒐᓗᐊᖅ ᐱᖁᓗᔭᔅᓴᓂᒃ ᑲᑕᒐᐃᓂᖓ ᐲᑐᒪᓐ ᓯᒻᒥᔾᔪᐊᖓ (2011) ᐊᓯᖏᑕᓗ ᐅᐊᓐᓇᖅᐸᓯᐊᑕ ᑲᓛᖠᑦ ᕿᑭᖅᑖᑕ ᓯᒻᒥᐋᓗᖏᑕ ᐊᓂᓪᓚᖓᓂᖏᑦ ᓄᓇᓐᖑᐊᒃᑯᑦ ᑭᒡᓕᓯᓂᐊᖅᓯᒪᕗᑦ ᐊᐅᒃᒫᑉ (ESRI) ᖃᕆᓴᐅᔭᓕᕆᔨᓄᑦ ᐊᑐᖅᖢᑎᒃ ᑐᕌᖓᔪᒥᒃ ᓴᓇᔾᔪᓯᓕᐊᖑᔪᒥᒃ ᐅᐃᒍᖃᕈᑖᒍᑦ.  ᕿᓂᕐᒥᔪᒍᑦ ᑮᓇᐅᔭᖃᖅᑎᑕᐅᓗᑕ ᐊᖏᓪᓕᒋᐊᕐᓗᒍ ᑐᑭᓯᒋᐊᕈᑎᖏᑦ ᐱᖃᓯᐅᔾᔨᓗᑎ ᐃᖏᕋᓂᖏᓐᓄᑦ ᓂᓚᐃᑦ ᕿᑭᖅᑕᐃᑦ ᐅᐊᓐᓇᖓᓂ ᐊᐅᓱᐃᑦᑐᖅ ᕿᑭᖅᑖᓗᐊᓂ ᑎᑭᓪᓗᒍ ᑐᑦᑑᔭᖅᑑᑉ ᐃᒪᖓᓄᑦ ᐅᖓᑖᓄᓪᓗ.

ᓂᕆᐅᑦᑐᒍᑦ ᑐᑭᓯᒋᐊᕈᑎᐅᔪᑦ ᐱᒻᒪᕆᐅᓂᐊᖅᑐᑦ ᐃᒪᐃᓐᓇᕐᒥᑦ ᐱᓕᕆᖃᑦᑕᖅᑐᓄᑦ, ᖃᐅᔨᓴᖅᑎᓄᑦ, ᐅᑭᐅᑕᖅᑐᒥ ᓄᓇᓕᓐᓄᑦ ᐊᒻᒪ ᐊᑐᐊᒐᓕᐊᖅᑎᓄᑦ. ᓯᕗᓪᓕᐹᑦᑎᐊᒥᑦ ᖃᐅᔨᓴᓕᖅᑐᒍᑦ ᐃᖏᕋᓂᖏᓐᓂᑦ, ᐲᔭᖃᑦᑕᖅᑐᑦ, ᐊᒻᒪ ᓄᖑᓐᓂᖓ ᐊᖏᔪᒥᑦ ᐅᑭᐅᑕᖅᑐᒥ ᓂᓚᓐᓂᖅᑦ ᕿᑭᖅᑕᓂᑦ ᖃᓄᐃᓕᖓᓂᖏᓐᓄᑦ ᓄᖑᑉᐸᓪᓕᐊᓂᖏᓐᓄᑦ, ᓂᕆᐅᓇᖏᑦᑐᒥ ᓯᐊᒻᒪᕐᓂᖓ ᐊᒻᒪ ᐋᖅᑭᒍᑎᐅᑲᐃᓐᓇᖅᑐᖅ.

ᑐᑭᓯᒋᐊᒃᑲᓐᓂᕈᒪᒍᕕᑦ

CI2D3 ᑎᐅᕆᑦᒃ ᒥᐅᕐᓗ ᑐᑭᒧᐊᖅᑎᑦᑎᔪᖅ, ᐃᓕᓐᓂᐊᑎᑦᑎᔨ ᓄᓇᓂᑦ ᐊᕙᑎᖓᓂᓪᓗ ᖃᐅᔨᓴᓂᕐᒥᑦ ᐱᓕᕆᕕᖓ ᑲᐅᕈᑕᓐ ᓯᓚᑦᑐᓴᕐᕕᒃᔪᐊᖅ. ᖃᐅᔨᒋᐊᕐᕕᒋᔪᓐᓇᖅᑕᐃᑦ ᐅᕙᓂ derek.mueller@carleton.ca.

ᐱᔭᐅᔪᓐᓇᖅᑐᑦ ᐊᒻᒪ ᐱᓕᕆᔾᔪᑏᑦ

ᐆᑦᑐᕋᐅᑦ ᐊᑖᒍᑦ ᐋᖅᑭᔅᓯᒪᔪᓃᑦᑐᖅ (ᓇᓗᓇᐃᖅᓯᒪᔪᑦ ᐊᐅᐸᖅᑑᓪᓗᑎ) CI2D3 ᑐᑭᓯᒋᐊᕈᑎᖏᑦ ᕿᒥᕐᕈᔭᐅᔪᓐᓇᖅᑐᑦ ᐊᑖᓂ.  ᓇᕿᓪᓗᒍ ᓂᓚᒃ ᕿᑭᖅᑕᖅ ᐊᖏᓂᖓᓄᑦ (km2), ᑭᓪᓕᖏᑦ (km) ᐊᒻᒪ ᖃᐅᔨᓴᖅᑕᐅᓂᖓᓄᑦ ᑕᖅᑭᖓᓄᑦ. ᓯᔾᔭᖅᐸᓯᒻᒦᑦᑐᑦ ᑐᓂᔭᐅᔪᑦ Global Self-Consistent Hierarchical, High Resolution Geography DatabaseLGPL. ᓄᓇᓖᑦ ᐊᑎᖏᑦ GeoBase – ᑲᓇᑕᒥ ᓄᓇᓄᑦ ᐊᑎᖏᑦ – ᓄᓇᕗᑦ (2015).

ᖃᕋᓴᐅᔭᒨᕐᓗᒍ ᐆᑦᑐᕋᐅᑎᐅᔪᖅ ᖃᓄᐃᓕᖓᓅᖓᔪᖅ, ᓇᕿᓪᓗᒍ ᐅᓇ.

ᖃᐅᔨᒪᔭᐅᔭᕿᐊᓕ ᐱᔭᕇᖅᓯᒪᓂᖅᓴᐅᔪᖅ ᐊᒻᒪ ᐱᐅᓂᖓᓄᑦ−ᐊᐅᓚᑕᐅᔪᖅ ᓴᖅᑭᖅᑎᑕᐅᓂᐊᖅᑐᑦ ᔪᓚᐃ 1, 2018.

ᑐᑭᓯᒋᐊᕈᑏᑦ ᐊᓯᖏᓐᓂᑦ ᓇᓗᓇᐃᔭᐃᔪᑦᖅ ᓇᓂᔭᐅᔪᓐᓇᕐᒥᔪᑦ ᐅᑭᐅᑕᖅᑐᒥ ᑐᑭᓯᒋᐊᕈᑎᓂᑦ ᑎᑎᕋᖅᓯᒪᔪᓂᑦ (ᑎᑎᕋᖅᑕᐅᓯᒪᔪᖅ ᓈᓴᐅᑎᖓ 12678).

ᖃᐅᔨᒋᐊᕐᕕᐅᖁᔭᐅᔪᑦ:

ᑕᐃᓵᑎᓐᔅ, L., ᑯᕌᐳᑦ, A., ᓴᐃᐳ, R., ᓯᐊᐳᑦ, J., ᐊᒻᒪ ᒥᐅᕐᓗ, D. (2016)ᑲᓇᑕᒥ ᓂᓚᐃᑦ ᕿᑭᖅᑕᐃᑦ ᐃᖏᕋᓂᖏᓐᓄᑦ, ᓄᖑᑉᐸᓪᓕᐊᓂᖏᓐᓄᑦ ᐊᒻᒪ ᖃᐅᔨᔭᐅᓂᖏᓐᓄᑦ (CI2D3) ᑐᑭᓯᒋᐊᕈᑏᑦ. ᐃᒪᕐᒥᑦ ᓯᑯᓂᓪᓗ ᖃᐅᔨᓴᕐᕕᒃ, ᑲᐅᕈᑕᓐ ᓯᓚᑦᑐᓴᕐᕕᒃᔪᐊᖅ. ᑐᑭᓯᒋᐊᕈᑏᑦ ᐱᔭᐅᔪᑦ ᐊᕐᕌᒍ−ᑕᖅᑭᖅ−ᐅᓪᓗᖅ ᐅᕙᓂ https://wirl.carleton.ca/wp/research/ci2d3/

ᓇᕿᓪᓗᒍ ᐅᕗᖓ ᐊᔾᔨᖏᓐᓂᑦ ᐱᓗᑎᑦ ᒫᓐᓇᐅᔪᒥᑦ CI2D3 ᐱᑕᖃᕆᐊᖃᖅᑐᓗᓄᑦ ᑎᑎᕋᖅᓯᒪᔪᓂᑦ.

ᓇᑭᓪᓗᒍ ᐅᓇ ᐱᔪᓐᓇᖁᓪᓗᑎᑦ ᓇᓕᖅᑲᖓᓐᓂᒃ ᑖᔅᓱᒪᐅᑉ CI2D3 ᐊᑐᖁᔭᖏᓐᓄᑦ ᐊᒻᒪᑦᑕᐅᖅ ᓇᑭᓪᓗᒍ ᐅᓇ ᐊᔾᔨᖓᓂᒃ ᐱᔪᓐᓇᖁᓪᓗᑎᑦ ᐊᑐᖅᑕᐅᔪᓄᑦ ᐅᓪᓗᒥ CI2D3 ᑎᑎᕋᖁᑎᖏᓐᓄᑦ.

ᐃᓄᐃᑦ ᐊᒻᒪ ᑮᓇᐅᔭᖃᖅᑎᑕᐅᓂᖅ

ᑐᓂᓯᔪᑦ CI2D3−ᑯᓐᓄᑦ ᐱᖃᓯᐅᑎᔪᑦ:

ᑎᐅᕆᒃ ᒥᐅᓗᕐ, ᓘᒃ ᑕᐃᓵᑎᓐ, ᐋᓇ ᑯᕌᐳᑦ, ᕌᓐ ᓴᐃᐳ, ᔨᐊᑉ ᓯᐊᐳᑦ, ᒍᕆᐊᒍᕆ ᓘᕕᔅ−ᐸᐃᓕ, ᓲᒐᐅ ᐴ ᐋᓕ, ᐊᑕᒻ ᒐᕐᐳ, ᐃᐊᔅᓛᒻ ᐊᐅᕼᐅᒍᕌᑎ, ᐃᓕᓐᓂᐊᖅᑏᑦ ᖁᕝᕙᓯᑦᑐᓂᑦ ᐃᓕᓐᓂᐊᕋᔅᓴᓂᑦ GIS (GEOM 4008) ᐊᕐᕌᒍᖓᓂ 2015

ᑖᓐᓇ ᐱᓕᕆᐊᖅ ᐱᓕᕆᐊᖑᓚᐅᖅᑐᖅ ᑮᓇᐅᔭᑎᒍᑦ ᐃᑲᔪᖅᑕᐅᓪᓗᓂ ᐅᑯᓄᖓ:

EC_logo

Master

ᓴᖅᑭᖅᑎᑕᐅᔪᑦ:

ᑯᕌᐳᑦ, A.J., ᕗᐊᑦᕼᐊᒻᔅ, P., ᕗᐊᒡᓄ, T.J.W., ᓯᑑᕐᓐ, A., ᐊᐃᕙᓚᕼᐊᒻᓴᓐ E.P., ᓲᕐᔅ, I., ᐸᐃᑦᔅ, R., ᓂᑰᓪᔅ, K.W. ᕿᒥᕐᕈᔭᐅᔪᖅ. ᐃᖏᕋᓂᖓ ᐅᑭᐅᑕᖅᑐᒥ ᓂᓚ ᕿᑭᖅᑕᖅᒪᐃᕐᒥᑦ ᖃᐅᔨᓴᖅᑏᑦ